ርትዓዊ ሓበሬታ፡ ነቐፌታውን ሃናጽን ትንታኔ ከምኡ’ውን ማሃርቲ ትሕዝቶታት ብምቕራብ፡ ኣብ ምሕዳስን ምምዕባልን ትካላት ትምህርቲ፡ ቁጠባን ምሕደራን ኢቲዮ-ኤሪትራ ኣበርክቶ ምግባር ኢዩ ባህግና። ዝርዝር ዕላማታት ኤሪዮጲያ እዞም ዝስዕቡ ኢዮም:
- ልማድ መጽናዕትን ተተግባሪ ምርምርን ኣብ ኢቲዮ-ኤሪትራውያን ምስራጽ።
- ኢቲዮ-ኤሪትራውያን ድሌት፡ ክእለታት ከምኡ’ውን ልምድታት ተፈጥሮኣውን ማሕበራውን ስነፍልጠት ከጥርዩ ምትብባዕ።
- ኢቲዮ-ኤሪትራውያን ንዘለዎም ስነፍልጠታዊ፡ ኣእምሮኣውን ኢደግብራውን ክእለታት ኣብ ዝርከብዎ ከባብን ማሕበረኮምን ኣብ መዓላ ከውዕልዎ ምንቕቓሕ።
- ኣብ ምምዕባል ኣእምሮኣዊ ባህሊ ኢቲዮ-ኤሪትራ ኣበርክቶ ምግባር።
- ንኢቲዮ-ኤሪትራውያን ዝያዳ ኣፍልጦ ብዛዕባ ሕብረተሰቦም፡ ታሪኾም ከምኡ’ውን ተፈጥሮ ምድሮም ዘስንቑ ማሃርቲ ትሕዝቶታት ምቕራብ።