ሸ-ቀ፥ ስነምድራውን ስነማዕድናውን መዘከሪ ቃላት

እዚ መዘከሪ ቃላት፡ ኣብ፣ዚ ነቑጣ መርበብ ሓበሬታ ንእንረኽቦም፡ ብፊደላት እንዳ ሸን ቀን ዝጅምሩ ስነምድራውያንን ስነማዕድናውያንን ቃላት ብሕጽር ዝበለ መንገዲ ይትርጉም።

ሸ

ሽጉርታይ፥ ብኸፊል ብርሃን ዘሕልፍ፡ ሽጉርታዊ-ሓምላይ ዝሕብሩ ዓይነት ማዕድን ቻልሴዶናይ።

ቀ

ቀመማዊ ባእታ፥ ብተራ ቀመማዊ መስርሓት ናብ ዝያዳ ዘይተሓላለኹ ጥረነገራት ክበታተን ዘይክእል ጥረነገር ኢዩ።

ቀመማዊ ውህዶ፥ ብውሕዱ ብኽልተ ሓቢሮም ዝተቛረኑ ባእታታት ዝቘመ ጥረነገር።

ቀይሓዮ፥ ሳሕቲ ዝርከብ፡ ሉምሉም፡ ብሩራዊ ዝሕብሩ ሓጺነመጺናዊ ባእታ ኰይኑ፡ ንማይ ብጐንጺ ዝፈራኽሽ ከምኡ፣ውን ኣብ ኣየር ብኡንብኡ ሃልሃልታ ዘባርዕ ኢዩ።

ቀጸላ፥ ብዝገት ድበት ወይ ብእሳተጎመራዊ ነገራት ዝቐውም ቅርፊ ከውሒ።

ቅርጸሓዋይ፥ ብዓረር ሓማላይን ውህበብርሃናይን ዝቘመ ማዕድን።

ቈንዳፍእምኒ፥ ሳሕቲ ዝርከብ፡ ብትሕዝቶ እምናዮ ሃብታም ዝዀነ፡ መብዛሕትኡ ግዜ ጽገሬዳዊ፡ ቀይሕ፡ ወይ ወይናይ ሕብሪ ዘለዎ ሩፍራፍ ማዕድን ኢዩ።

ቅንብሮ፥ ተወሓደ ክልተ ምስ ሓድሕዶም ዝተጣበቑ ወይ መኺኾም ዝተሓናፈጹ ሓጺነመጺናውያን ወይ ከኣ ሓጺነመጺናዊ ምስ ዘይሓጺነመጺናዊ ባእታታት ዘካተተ ቀመማዊ ድብላቕ ኢዩ።

ቅይነጭዳይ፥ ሓደ ጉጅለ መሮጣር ማዕድናት ኰይኑ፡ መብዛሕትኡሳዕ ብርሁው ዝሕብሮም፡ መረጼናውያን፡ ምሉእብምሉእ ወይ ብኸፊል ብርሃን ዘሕልፉ፡ ተሓምሸሽቲ ሓቒቓት ዘለዎም ማዕድናት ኢዮም።

ቅጥራን፥ በብዓይነቱ ብተፈጥሮ ዝርከብ ዘይንጹህ ቀመማዊ ድብላቓት ማየፍሓሞታት ኢዩ።

ቅጥራናዊ-ከሰል፥ እቲ ብብዝሒ ኣብ ዓለምና ዝርከብ ዓይነት ከሰል ኰይኑ፡ ንቑጽ ሓሞኽሽቲ-ኣልቦ እንተዀይኑ፡ ካብ 77 ክሳብ 87% ዝበጽሕ ትሕዝቶ ፍሓሞ ኣለዎ።