ቆልቋል ሓበሻ ዘኽስብ ተኽሊ ኢዩ። ብርክት ዝበለ ያታውን ዘመናውን መዓላታት ኣለዎ። ቀጺልና ገለ ካብ ዝተሰነደ ረብሓታቱ ከነቕርብ ኢና።
ዕዮኣዊ መዓላታት
- ያታዊ ምልፋዕ ቆርበት፥ ነዝዒ ቆልቋል ሓበሻ ብውሕዱ ካብ ጥረቆርበት እንስሳታት ጸጉሪ ንምእላይ የገልግል።
- ያታዊ ምግፋፍ ዓሳ ጥዑም-ማይ፥ ነዝዒ ቆልቋል ሓበሻ ኣብ ቀላያትን ወሓዝትን ዝርከቡ ዓሳታት ስግኦም ከየባላሸወ ንምፍዛዝ ይጠቅም። እዚ ድማ ብቐሊሉ ብኢድ ክትሕዞም የኽእል።
- ዘመናዊ ምፍራይ ነዳዲሂወት፥ እቲ ብማየፍሓሞ ሃብታም ዝዀነ መጥጊ ከምኡ፣ውን ግዛዕሂወት ቆልቋል ሓበሻ ብዝተፋላለየ ዘመናዊ ቤትዕዮኣዊ መስርሓት ንምውጻእን ምፍራይን ዘይቲሂወት ወ በኒሂወት ከገልግል ይኽእል።
- ዘመናዊ ስነቀመማዊ ስርሓት፥ ቆልቋል ሓበሻ ከም ምንጪ ተፈጥሮኣዊ መጣጥ ወ ቅብኣታት ክጠቅም ይኽእል። ንምፍራይ መድረቒ ዘይትታት፡ ልኻይሕብርታት፡ በርኒቓት፡ መጽሓፊ ቀለም ከገልግል እውን ይኽእል።
- ያታዊ ስርሓትዕንጸይቲ፥ እቲ ልስልስ ዝበለ ብጫ ዕንጸይቲ ቆልቋል ሓበሻ ፈኲስ እኳ እንተዀነ ዕምሪ ዘለዎ ኢዩ። ኣብ ኢቲዮጲያን ኤሪትራን ከም ምንጪ ንናሕሲ ዝኸውን ኦም ከምኡ፣ውን ከምእኒ ጠረጴዛ፡ ሳንዱቕ፡ ኰረሻ፡ በትሪ፡ ክርቢት ዝበሉ ዓዳውያን ኣቕሑ ቤት ንምድላው የገልግል።
- ነዳዲዕንጸይቲ፥ ቆልቋል ሓበሻ ኣብ ኢቲዮጲያን ኤሪትራን ከም ምንጪ ንሓዊ ዝኸውን ዕንጸይቲ ኰይኑ የገልግል።
ፈውሳዊ መዓላታት
- ያታዊ ፍወሳ ደቅሰብ፥ ኣብ ኢቲዮጲያን ኤሪትራን፡ ዝተፈላለየ ክፋላት ገረብ ቆልቋል ሓበሻ ብትውፊት ኣብ መዓላ ምፍዋስ በብዓይነቶም ሕማማት፡ ቃንዛታትን ለኽፍታትን ደቅሰብ፡ ከም ዓሶ፡ ወይቦ፡ ሰፍናጋዊ ረኽስታት ቆርበት ዝበሉ፡ ይውዕል ኢዩ።
- ያታዊ ፍወሳ እንስሳ፥ ኣብ ኢቲዮጲያን ኤሪትራን፡ ነዝዒ ቆልቋል ሓበሻ ብትውፊት ኣብ ምፍዋስ ሕማማት ቆርበት ከብቲ ከምኡ፣ውን ኣብ ምውጋድ ባልዓት ከብቲ ይጠቅም። ብተወሳኺ፡ ነዝዒ ቆልቋል ሓበሻ ኣብ ምፍዋስ ዕብዳን ከልቢ የገልግል።
- ዘመናዊ ሕክምና፥ ኣርባሕነት ቆልቋል ሓበሻ ኣብ ዘመናዊ ሕክምና ንምውሳን፡ ዘመናውያን ስነፍልጠተኛታት ነዚ ተኽሊ ኣብ ምጽንዑ ይርከቡ። ገለ ካብቶም ዝካየዱ ዘለዉ ፍሉያት ምርምራት ኣብ ከም ጸረ-ዓሶ፡ ጸረ-ዘንግያ፡ ጸረ-ሰማሚ፡ ጸረ-ሰፍናግ፡ ጸረ-ነድሪ፡ ጸረ-መስረጨቋሪ፡ ወዘተ ዝበሉ ባህርያት ቆልቋል ሓበሻ ንምልላይ ዘተኰሩ ኢዮም።
ከባብያዊ መዓላታት
- ዘመናዊ ሕርሻዱር፥ ዘመናዊ ስነፍልጠታዊ ምርምራት ከም ዘረድእዎ፡ ነዝዒ ቆልቋል ሓበሻ ምውጻእ ሱር ኣብ ቁርጽራጽ ካልኦት ፍጣራት ተኽሊ ከም መቐር (ገረብዕጣን መቐር) ዝበሉ ንምድንፋዕ ክጠቅም ይኽእል።
- ዳግመምግራብ፥ ጥንኩር፡ ደርቂ ዝጻወር ባህርያት ቆልቋል ሓበሻ፡ ንዝተባሕጐጐን ነቓጽን ቦታታት ኣዚዩ ተደላዪ ይገብሮ። ኣብ ምኽዕባት ብዙሕነት ተኽሊ እውን ኣገዳሲ ተራ ክጻወት ይኽእል።
ስነህንጻዊ መዓላታት
- ምግራምመሬት፥ ኣብ ኢቲዮጲያን ኤሪትራን፡ ገረብ ቆልቋል ሓበሻ ኣብ ዙርያ ኣባይትን ሰፈርሕርሻን ደረት ንምምልካት፡ መዕገቲ ንፋስ ንምግባር፡ መካበብያን ህያው ሓጹርን ንምስራሕ የገልግል። እዚ ድማ ብመኽንያት ጽዑቕ፡ ኣሻዅ መካላኸሊታት ናይ ምቛም ተፈጥሮኣዊ ዝንባሊኡ ከምኡ፣ውን ብቐሊሉ ካብ ፍሉይ ክንክን ዘየድልዮም ቁርጽራጻት ዓበይቲ ጨናፍር ክባቘል ስለዝኽእል ኢዩ።
- ምግዳን፥ ቆልቋል ሓበሻ ንኣወቃቢ፡ መጸወርሽምዓ-መሰል መልክዑ ተባሂሉ ብብዝሒ ይትከል። ንዝዀነ ግዳማዊ ወይ ውሽጣዊ ሰፈር በይኑ-ዝዓይነቱ ስነህንጻዊ ባእታ ዘውህብ ምርኡይ ተኽሊ ኢዩ።
መጠንቀቕታ!
ከም ዳርጋ ኩላቶም ቆልቋላት፡ ነዝዒ ቆልቋል ሓበሻ ተባላዕን መርዛምን ኢዩ። ብቆርበት እንተ ተተንኪፉ ነድርን ምሽልባጥን ከስዕብ ይኽእል። እንተ ተዋሒጡ ነዝዒ ቆልቋል ሓበሻ ውጽኣት ወይ ካብኡ ዝገድድ ሳዕቤን ከኸትል ይኽእል። ናብ ዓይኒ እንተኣትዩ ግዝያዊ ወይውን ቀዋሚ ዑረት ከስዕብ ይኽእል። ስለዚ ምሓዝ እዚ ተኽሊ ጥንቃቐ ዝሓትት ኢዩ። ምስ ቆልቋል ሓበሻ ክትዓዪ ከለኻ ጓንቲ ምጥቃም ኣዚዩ ይምከር።
ነዝዒ ቆልቋል ሓበሻ እንተተጸይቕካ፡ ቅድሚ ምጽራይካ ገጽካ ኰነ ኣዒንትኻ ኣይትተንክፍ። ብማይን ሳምናን ተሓጸብ።
መወከሲታት
Abelyan, Narek et al. (2022) “A network pharmacology analysis of cytotoxic triterpenes isolated from euphorbia abyssinica latex supported by drug-likeness and admet studies.” ACS omega 7, no. 21: 17713-17722.
Afera, Berihun et Al. (2014) “Treatment of skin disease using ointment of latex of Euphorbia abyssinica medicinal plant on animal model.” World Applied Sciences Journal 32, no. 9: 1913-1917.
Agdew, Surafel Argahegn et al. (2023) Production and Characterization of Ink from the Milky Fluid of Ficus vasta and Euphorbia abyssinica. In Advancement of Science and Technology in Sustainable Manufacturing and Process Engineering. pp.217-227. Springer Nature Switzerland.
Ahmed, Shaimaa R. et al. (2022) “Cancer Chemopreventive potential and chemical profiling of Euphorbia abyssinica endowed with docking studies.” ACS omega 7, no. 4: 3596-3604.
Araya, Dawit (2024) “In vitro antileishmanial activities of hydro-methanolic crude extracts and solvent fractions of Clematis simensis fresen leaf, and Euphorbia abyssinica latex.” Medicine 103, no. 18: e38039.
Bein, E. and others (1996) Useful Trees and Shrubs in Eritrea: Identification, Propagation and Management for Agricultural and Pastoral Communities. Regional Soil Conservation Unit: Nairobi.
Bekele-Tesemma, Azene (2007) Useful Trees of Ethiopia: Identification, Propagation and Management in 17 Agroecological Zones. RELMA in ICRAF Project: Nairobi.
Belew, Sileshi et al. (2020) “Ethnobotanical assessment and physicochemical properties of commonly used medicinal plants in Jimma zone, Southwest Ethiopia: traditional healers based cross-sectional study.” Journal of experimental pharmacology: 665-681.
Beshah, Teshome Degfie et al. (2025) “Cytotoxicity of compounds isolated from Euphorbia abyssinica: A combined experimental and docking studies.” Bulletin of the Chemical Society of Ethiopia 39, no. 6: 1153-1166.
Bruce, James (1790) Select Specimens of Natural History, Collected in Travels to Discover the Source of the Nile. Volume V. J. Ruthven: London.
El-Fiky, F. et al. (2008) Phytochemical and antimicrobial investigation of latex from Euphorbia abyssinica Gmel. Natural Product Communications, Vol. 3, No. 9, p.1934578X0800300922.
Encyclopedia of Living forms. “Euphorbia abyssinica” Text available under a CC-BY-SA Creative Commons Attribution License. www.llifle.com 14 Nov. 2005. 06 Sep 2025. Retrieved from https://www.llifle.com/Encyclopedia/SUCCULENTS/Family/Euphorbiaceae/1958/Euphorbia_abyssinica
Fern, Ken (2025) Euphorbia abyssinica J.F.Gmel. Useful Tropical Plants. Tropical Plants Database, Ken Fern. tropical.theferns.info. 2025-09-06. Retrieved from https://tropical.theferns.info/viewtropical.php?id=Euphorbia+abyssinica
Muluye, Abrham Belachew, et al. (2019) “Anti-malarial activity of the root extract of Euphorbia abyssinica (Euphorbiaceae) against Plasmodium berghei infection in mice.” Malaria Journal Vol. 18, no. 1: pp.1-8.
Negussie, A. et al. (2009) Euphorbia abyssinica latex promotes rooting of Boswellia cuttings. New forests, 37(1), 35-42.
Oxford University, Department of Biology. Oxford University Plants 400: Euphorbia abyssinica. Retrieved from https://herbaria.plants.ox.ac.uk/bol/plants400/Profiles/EF/Euphorbab
Pankhurst, Richard (1970) “The History and Traditional Treatment of Rabies in Ethiopia. Medical History Vol.14, no.4: 378–89. https://doi.org/10.1017/S0025727300015829.
Patan, Shaik Sha Valli Khan et al. (2018) “Use of Euphorbia Sp. (Euphorbiaceae) as Biofuel Feedstock for Semi-Arid and Arid Lands.” Biofuels 12 (5): 511–21. doi:10.1080/17597269.2018.1501637.
Plant Resources of Tropical Africa (PROTA). Euphorbia abyssinica. Retrieved from https://prota.prota4u.org/protav8.asp?g=pe&p=Euphorbia%20abyssinica
Yemane, B. et al. (2018) Survey of some common medicinal plants used in Eritrean folk medicine. American Journal of Ethnomedicine, 112, 865-876.
Zemede, J., Mekuria, et al. (2024). Ethnobotanical study of traditional medicinal plants used by the local Gamo people in Boreda Abaya District, Gamo Zone, southern Ethiopia. Journal of ethnobiology and ethnomedicine, 20(1), 28.